A clase de 5º de infantil da a benvida ao novo trimestre

 Damos a benvida a este novo trimestre escoitando as voces dos nosos compañeiros e compañeiras de 5º de infantil. Pinchade na radio para escoitalos. 

Ánimo para comezar este segundo trimestre cargado de emocións. 

     

Bo Nadal!

 Os mestres e mestras do noso cole deséxanvos a todos un Bo Nadal!

Agardamos que veñades cargados de enerxía!

Agora todos/as merecemos un bo descanso para desfrutar da familia e do fogar. 

Os nenos e nenas de 6º de infantil felicitan a todos os que rematades o ano cumprindo un aniño máis. Parabéns a todos!!!! 

Preparados para as badaladas????? Pois adiante!! Pinchade na imaxe para escoitalas. 

A partir do segundo trimestre eliximos nós as cancións!!!!

 Sabedes que tódolos días poñemos música nas entradas ao cole, verdade? Poir como nos anunciaron os nenos e nenas de 1º, a partires do segundo trimestre seredes vós os nenos e nenas de cada aula os que elixiredes a música que escoitaremos ao longo da semana. 

Recordade, unha en galego, unha en castelán e unha en inglés. Música que transmita bos valores e coa que aprendamos a ser mellores. E se nesa semana celebramos algo especial....vos toca pensar na música que poñer que conmemore esas datas. 

Vai ser unha labor de todos e todas. Sorprendédenos!!!

Se queres volver a escoitar o Tarabelo nas Ondas que o anunciaba pincha na imaxe. 

Monstruo Rosa. Semana das persoas con discapacidade.

Esta semana conmemoramos o día mundial da discapacidade. Monstruo Rosa danos unha lección enorme no seu conto. Sigamos o seu exemplo!

Pasade pola biblioteca do cole para dicir en que sodes uns monstruos. Todos temos capacidades diferentes!

Nesta ocasión os nenos e nenas de 2º A crearon este bonito programa do Tarabelo nas Ondas. Pincha no Monstruo Rosa para escoitalo.

Parabéns a todos os nenos e nenas de 2º A. Fermoso programa!!!! 

25 N Obradoiro de amor.

 Hoxe, día da conmemoración contra a violencia de xénero, no noso cole creamos un gran mural no que se poden ler moitas palabras para amar coas mans. Dende Illa Fantasía chéganos esta mensaxe deste animal que conta con tres corazóns e 8 brazos para amar de moitas maneiras. 

Os nenos e nenas de 4º de educación infantil elaboraron o programa da semana para O Tarabelo nas Ondas. Pincha no polbo e non deixedes de escoitalo. 

Noraboa aos máis pequeniños do cole!

20 de novembro. Día da infancia.

 O Día da infancia, é unha xornada adicada aos nenos e nenas, que ten por finalidade a visibilización e promoción dos seus dereitos así como concienciar as persoas respecto destes.

Cando xurdiu este día e cal é o seu obxectivo? 

A idea de festexar o “Día do neno” xurdiu o 20 de novembro de 1959, cando a Asemblea Xeral da ONU tivo unha reunión na que decidiu reafirmar os dereitos dos nenos universalmente.

Desde aquela, cada país conta cun día para celebrar e organizar actividades para axudar a desenvolver o benestar dos cativos en todo o planeta.

No noso cole, os nenos e nenas de 2º B recórdannos algúns destes dereitos. Escoitado o programa desta semana: (Pinchar na imaxe).

Recordamos a proposta de biblioteca!!!

Como podemos facer un consumo responsable? Podemos facer algo nós?

Pois claro que si!!!! Escoitade ben porque estes nenos e nenas de 4º nos din pequenas cousas que podemos facer para coidar o noso planeta. E entre todos lograr algo grande. 

Facémolo ben? Se non é así, todos temos que procurar cambiar os nosos hábitos. Sabemos que non é doado, pero vai ser moito mellor para todos. 

Mirade a frase que nos di Unai neste Tarabelo nas Ondas. 

Novo programa do Tarabelo nas Ondas

 Nesta ocasión os nenos e nenas de 3º foron os encargados do programa adicado ao noso Magosto e Samaín. Se queredes escoitalo de novo, pinchade na imaxe. Tamén podedes ver as fotos do día no seguinte enlace. 

Achégase o Magosto!!!

E como non, falaremos da súa protagonista, a castaña. O alumnado de terceiro ten preparado un programa especial que escoitaremos moi pronto. E para ir abrindo boca invítannos a todos a falar dela. Anímate a colgar no seguinte padlet aquilo que queiras contar ou compartir co resto do cole sobre ese gran tesouro que temos en Galicia, que é o froito protagonista do outono.

Volvemos á biblioteca!!!

Esta semana os nenos e nenas de 5º déronnos a través do Tarabelo nas Ondas unha gran nova. Podemos volver á biblioteca!! Despois destes cursos tan diferentes temos moita ilusión de volver a ver a Lecturitas. 

Mirade que casualidade. Cal era a palabra do día de hoxe: 

Escoitade con atención o que nos contan os nosos compañeiros e o que propoñen para participar. 

Pinchade na imaxe  para volver a escoitalo. 

Novo curso, novo programa do Tarabelo nas Ondas!

 Hoxe escoitaremos o primeiro programa deste curso da nosa emisora de radio. Os nenos e nenas de sexto prepararon este programa para dar comezo a un novo curso falando moito galego. 

Escoitade ben e facede moito caso ao que nos din das 3 R. Reducir, Reciclar e Reutilizar. 

Se queres volver a escoitalo, pincha na seguinte imaxe. 

Escoita aquí "O Tarabelo nas Ondas"

  Animámosvos tamén a ver este video sobre o conto Dona Landra e o río revolto feito polos compañeiros e compañeiras do CEIP A Pedra. A ver se así nos animamos máis aínda a ser consumidores responsables.