Comezamos nova semana.

Comezamos nova semana cunha canción chea de voces femininas da nosa música. Chámase "Todo o día na casiña". Aínda que xa isto vai cambiando, temos que seguir sendo responsables e cumprir todos/as coas indicacións de seguridade que nos dan os expertos. Recordade que aínda que teñamos ganas de dar unha aperta a un amigo/a só podemos darlle un saúdo de lonxe.
Queremos aproveitar o comezo da semana para agradecer a todos/as os que estades participando neste blogue e felicitar, aos que fixestes pleno co acertixo dos contos. Noraboa!!!!
Pinchade na canción e comezamos a semana!

Gonzalo de 5º cóntanos o primeiro conto.

Grazas a Gonzalo e a súa familia por contarnos este primeiro conto de forma tan orixinal!!! Que o disfrutedes!!!

Achégase o día do libro. Adiviñades de que contos se tratan?

Na imaxe de abaixo podedes adiviñar os títulos de varios contos que temos en galego. A ver quen é de facer pleno. Mandade as respostas ao correo do Tarabelo. 

E anímovos a que contedes algún deles e o colgamos para que o vexan os máis pequenos do cole. Neste curso os padriños lectores teñen que ser a distancia. 

Tedes o tempo que queirades. Estamos agardando a alguén que se anime. Tamén vale a axuda da familia. 

Recordades este bo rato que pasamos no curso pasado?

Escoitade o conto que poñemos no seguinte video que ao final vos vai traer bos recordos e así bailamos un pouco nestes días tan diferentes que estamos vivindo. 

Novo conto na Biblioteca

Nesta semana na que celebramos o día do libro, empezamos a semana cun novo microconto na Bilbioteca de Sada. Miguel faranos bailar coas 15 primaveras do grupo galego Mamá Cabra. Non volo perdades!!!!

Fermosas palabras de Daniela e Sophía

Damos as grazas de novo ás nosas alumnas (aínda que xa están no instituto),  que nos envían esta fermosa carta.

O Tarabelo segue recibindo cartas

Recordades as cartas dos outros días? Pois aínda temos máis e agardamos que sexan moitas máis. Mirade ben, que algunha pode ser para vós.

Os nenos de 3º mandaron xa algunhas. Pinchade nelas para poder lelas.

  

   

Proposta actividades Semana Santa

A primeira proposta é que veades o vídeo #SadaysusContornosQuedaNaCasa realizado coas aportacións de moitos nenos, nenas, familias e profesorado do centro. Grazas a todos/as pola vosa colaboración e participación.

Aquí tedes unha recompilación de diferentes  recursos e actividades que podedes realizar durante estes días non lectivos. Seguro que o pasades moi ben mentres aprendedes un montón. Están divididos en 3 categorías:

Vídeos. Selección de vídeos moi interesantes e divertidos.

Actividades divertidas. Experimentos, quebracabezas, xogos, manualidades...

Un mundo por descubrir:  Propostas relacionadas co marabilloso mundo dos libros.

Recordade que tedes as seguintes actividades voluntarias para participar:

compartindoilusion@sadaycontornos.es

compartindoilusion@sadaycontornos.es 

otarabelo@sadaycontornos.es 

Contos na biblioteca de Sada

Os nosos mestres Luisa e Miguel contaron varios contos na biblioteca de Sada que nos axudan a pasar un rato diferente durante a estancia na casa. Pinchade nos enlaces para escoitalos e desfrutade!

    

2 de abril

Información importante para as familias

Pinchade na imaxe para ler esta información sobre a segunda avaliación: