Semana de festas. Entroido e Rosalía de Castro

Nesta semana festexamos no cole dúas celebracións moi importantes da nosa cultura. 

O día de Rosalía de Castro, que este ano comezou a celebrarse o día 23 de febreiro, día do seu nacemento. E o noso entroido!

Con Rosalía levamos a cabo unha "SementadePensamentos", que era a súa flor favorita. E neles escribimos versos e palabras da nosa poeta para decorar o centro. 

Tamén os nosos compañeiros de 3º crearon un programa para O Tarabelo nas Ondas onde nos falaron de cousas moi importantes sobre ela. Noraboa nenos e nenas de 3º polo voso programa. Se o queredes escoitar de novo, pinchade na imaxe. 

E neste curso que temos tanta necesidade de pasar ratos diferentes tivemos a sorte de contar con Truque Matruque, co que cantamos poemas maravillosos da nosa escritora. Pasamos un rato moi agradable vestidos ademáis cos nosos disfraces favoritos.