venres, 13 de abril de 2018

23 de abril. Día do libro

Como todos sabemos estase achegando o día 23 de abril na que conmemoramos o Día do Libro. Na nosa lingua hai libros moi bonitos, entretidos e que ensinan moitas cousas. ¿Queres recomendar algún?  Conta o título do libro e o que che gustou del. Así ao mellor nos animamos a lelo. 

martes, 20 de marzo de 2018

21 de marzo. Día da árbore

Recordades esta nube de palabras? 

Mañá, 21 de marzo celebramos o día da árbore. Dende o blogue queremos facer un recordatorio do noso deber de protexer e coidar os bosques galegos. 
O CEIP de Cedeira creou este LIM para coñecelos un pouco máis. Animádevos a facelo. 

E para os máis pequenos tamén contamos con este do CEIP de Galán. 


8 de marzo. Pioneiras

Co libro "Pioneiras. Galegas que abriron camiño", da editorial Xerais que podedes coller na biblioteca coñecimos a mulleres galegas que destacaron por algunha razón e que son un exemplo a seguir para todos/as nós. 
     

venres, 23 de febreiro de 2018

Énchese a maleta de Rosalía!

No día de hoxe comezamos a xornada escoitando a canción de "Rosalía Pequeniña" e recordando a esta autora tan importante na historia da literatura galega.
Durante toda a semana fixemos distintos diseños e así hoxe estamos acabando de encher a maleta de Rosalía de Castro cos seus poemas e outros novos que creamos nós mesmos.
Se pinchades no seguinte enlace poderedes ir vendo e escoitando tódalas obras de arte.

martes, 20 de febreiro de 2018

24 de febreiro, día de Rosalía de Castro.


O vindeiro 24 de febreiro celebramos o día de Rosalía de Castro, unha das grandes poetas da literatura galega. 

Na escaleira do colexio temos colocada unha maleta que simboliza a emigración galega, grazas a cal naceu o noso centro. Rosalía tamén adicou versos a toda a xente que tivo a necesidade de deixar a súa terra natal. 
Animámosvos a escribir e/ou ilustrar poemas desta autora e metelos nesta maleta. Se queredes ler algún para compartilo con nós, adiante. Trataremos de publicalo no blogue. 

luns, 29 de xaneiro de 2018

Achégase o día da Paz


Mañá celebraremos o día da Paz.
Os nenos e nenas debemos fomentala tódolos días coa xente que nos rodea. No seguinte enlace podedes escoitar unha canción de Paco Nogueiras que nos axuda a entender o que podemos facer nós para que a Paz sexa cousa de tódolos días e non deixalo nunha celebración. 

Escoitádea e se queredes colgar algunha outra mandade un mensaxe ao blog para compartila con todos.


xoves, 9 de novembro de 2017

Obra de teatro 6º de Primaria. O Enterro barato

Os nosos compañeiros de 6º de Primaria representaron esta obra de teatro no día de Samaín. Están feitos uns artistas. Agardamos pola seguinte. 
Pinchade na imaxe para poder vela. 




venres, 3 de novembro de 2017

Concurso por equipos

Queredes un concurso para toda a clase? Formade equipo e a ver se coñecedes todas estas palabras. Anotade as respostas nunha folla e a ver quen gaña. Non vale facer trampas.
Pinchade na imaxe para poder xogar.
Unha vez aberta a páxina pinchades nas casillas que conteñen centenas. Se pinchades unha vez sae unha pregunta (aviso, algunhas son difíciles pero sempre hai algunha pista. Son definicións da Real Academia Galega), respondedes nunha folla y volvedes a pinchar para ver a resposta. Os equipos que acertaran pinchan na V e os que non na X. Así van sumando os puntos de cada equipo.




xoves, 2 de novembro de 2017

Xa celebramos o Magosto e o Samaín

O pasado martes pasamos unha boa xornada celebrando estas festas tradicionais. Mirade as fotos pinchando na imaxe.
Este curso creamos en cada aula un amuleto especial que nos axuda a recordar e sentir emocións positivas como a alegría, a amizade, a xenerosidade, etc. Pronto elaboraremos un libro con todos os do cole. Nalgunhas aulas están rematando o traballo. Estade atentos porque vai ser moi orixinal.