Esta semana tivemos a sorte de desfrutar dun obradoiro literario con Andrea Barrera que nos ensinou algunhas bases para comezar a escribir as nosas propias historias.
Ademáis de coñecer algo máis de Rosalía de Castro, aprendemos a dar renda solta á nosa imaxinación creando un superheroe que pretenderá cambiar algo do mundo ao igual que outros moitos da nosa literatura.
Pinchade na imaxe para acceder ás fotos.
Anímaste a resolver o Pasapalabra do noso cole?
Pois pincha na imaxe e a desfrutar dun pouco de xogo!
Hoxe os nenos e nenas de 4º sorprendéronnos cun Tarabelo nas Ondas no que nos recordaron algunhas datas importantes deste mes que imos rematando. Escoitádeo de novo pinchando na imaxe.
Nesta semana festexamos no cole dúas celebracións moi importantes da nosa cultura.
O día de Rosalía de Castro, que este ano comezou a celebrarse o día 23 de febreiro, día do seu nacemento. E o noso entroido!
Con Rosalía levamos a cabo unha "SementadePensamentos", que era a súa flor favorita. E neles escribimos versos e palabras da nosa poeta para decorar o centro.
Tamén os nosos compañeiros de 3º crearon un programa para O Tarabelo nas Ondas onde nos falaron de cousas moi importantes sobre ela. Noraboa nenos e nenas de 3º polo voso programa. Se o queredes escoitar de novo, pinchade na imaxe.
O vindeiro 23 de febreiro conmemoramos o día da nosa escritora Rosalía de Castro. Nesta entrada imos colgando actividades e unidades feitas por outros colexios que nos poden servir para traballar nas aulas. Grazas a todos e todas polo voso traballo.
Como vedes nesta imaxe imos xogar ao aforcado. Pinchade nela e podedes acceder a unha páxina con varios enlaces para pasar un bo rato mellorando o noso vocabulario en galego.
Aínda que cuns días de retraso, xa podedes acceder ao Tarabelo nas Ondas sobre o día da Paz que prepararon os nenos e nenas de 2º A. Noraboa polo voso traballo!
Pinchade na nosa árbore da paz para poder escoitalo.
Hoxe presentamos no Tarabelo unha páxina moi interesante onde podemos descargar e imprimir xogos na nosa lingua. Son creados por persoas coma nós que se animaron a inventar un. Ti tamén podes crear un e compartilo se te animas a participar. E se non, basta con imprimir algún dos que xa están na ludoteca propia da páxina. Pincha na imaxe para acceder a ela. Poñemos tamén o enlace no menú da dereita.
Nesta semana conmemoramos o día da paz. A continuación deixámosvos un pasapalabra en galego que elaboraron compañeiros do CEIP A Cristina, de Carballo.
Hoxe traemos unha proposta para xogar nas aulas. Trátase do Wordle. É un xogo de actualidade que xa ten a versión en galego. Animádevos a descubrir unha palabra cada día.
Pinchade no seguinte enlace, lede as instruccións e a xogar en galego!
No menú da dereita poñemos un enlace permanente para que poidades acceder cada día que queirades xogar.
Damos a benvida a este novo trimestre escoitando as voces dos nosos compañeiros e compañeiras de 5º de infantil. Pinchade na radio para escoitalos.
Ánimo para comezar este segundo trimestre cargado de emocións.
