O nome do noso blogue.

Unha vez máis felicitamos a todos os participantes. Seguide así!!! Agora si imos contar por que eliximos o nome do Tarabelo. Buscabamos un nome que fora bonito, como moitas palabras en galego e que tivera relación coa nosa vila. Pensamos en varios: A Pulgueira, Patexos, Salazón, a Pedra das Agullas..... E quedámonos co Tarabelo porque hai unha zona en Sada que se chama así e polo que é este aparello. Como xa dixestes é unha peza de madeira para abrir as portas e fiestras. Isto é o que queremos facer a través deste blogue. Abrirlle as portas ao noso galego.

    

E unido a isto, aí vai o seguinte reto. Se o atopas podes escribir un comentario, mandar unha foto ao correo, un video explicativo....Trátase dunha adiviña:

 "Se queres entrar en Sada, 

tes que pasar o tarabelo. 

As súas letras son de pedra, 

nunha casa has de velo".

 Buscade a solución na fachada dunha casa.